PER FLATØY

Per Flatøy (fødd 1946) bur i Sagvåg på Stord. Han er utdanna ved Norsk Kunsthandverksskule. Han har studert maleri og grafikk hos kjende norske kunstnarar. Flatøy har gjort studiereiser i inn- og utland.

KUNSTiHUS ved Oddrun Helvik, eig og formidlar ei samling av tresnitta hans.

Hovudtema kretsar rundt kystkultur og kystlandskap. I bileta byr han på kvardagslege møter mellom dyr og mennesker.

Sidan debututstillinga i 1988, har han bak seg over sekstifem separat­- og kollektivutstillingar, og fleire utsmykkingsoppdrag. Han er innkjøpt av mange kommunar, skular, høgskular, verksemder, galleri og private.

I 1998 fekk han Stord kommune sitt kulturstipend. I 2009 var han sildajazzutstillar i Haygesund, og har gitt ut kunstbok med forfattaren Eyvind Skeie i 2013.

Per Flatøy er medlem i Norske Grafikere og Norske billedkunstnere.